(ВИДЕО) Нов голем пожар беснее кај штипско Ново Село — горат куќи и лозја

Голем пожар одново се прошири кај Штип, а на социјалните мрежи се објавени очајнички повици за помош. Пожарникарите спасуваат луѓе кои се нашле во лозја, а зафатени се повеќе објекти, меѓу кои и неколку куќи, а досега е повреден најмалку еден човек.

Според последните информации, авионите „ер-трактор“ на Дирекцијата за заштита и спасување веќе се ангажирани на гаснење на големиот пожар.

Вчера пожарникарите се бореа со голем пожар кој ги зафати ридовите над Штип и им се закануваше на неколку населби. Според првичните информации објавени синоќа, кои не беа потврдени, пожарот избил од удар на гром.

https://www.facebook.com/share/r/1E7CidVcAk/?mibextid=wwXIfr