Ајфон 17 пристигнува на 9 септември 

Германски мобилен оператор, според порталот iPhone-Ticker, случајно открил интерен документ кој сугерира дека новата серија iPhone 17 ќе биде претставена на есенската конференција на Apple на 9 септември 2025 година- објави Каматица.
Овој датум е во согласност со претходната практика на компанијата да ги претставува своите нови модели на телефони во втората недела од септември.

Претпродажбата на новите уреди се очекува да започне на 12 септември, додека официјалната продажба би започнала на 19 септември. Apple наводно подготвува дури четири модели од серијата iPhone 17: sтандарден модел, iPhone 17 Pro, iPhone 17 Pro Max со редизајнирани камери.
Целосно новиот модел iPhone 17 Air, кој ќе ја замени претходната верзија „Plus“ и ќе има тенок и лесен дизајн. Покрај телефонот, се очекува Apple да претстави и други производи на есенската конференција. Меѓу нив се: Apple Watch Series 11, Apple Watch Ultra 3, новиот достапен модел Apple Watch SE 3, аirPods Pro 3 со подобрено поништување на бучавата, AirTag 2 за следење на производите

Оваа стратегија за освежување на производите има за цел да му помогне на Apple да го задржи своето водство на пазарот пред клучната сезона на празнични распродажби.