Михајловски освои сребро на Светското првенство во Абу Даби

Македонскиот кикбоксер, Стефан Михајловски е светски вицешампион откако го освои сребрениот медал на Светското првенство во Абу Даби, во финалето Македонецот загуби од Полјакот Рафал Гасчак.

Покрај сребрениот медал на Михајловски, Македонија на ова Светско првенство во кик-бокс освои уште два медали, бронзени беа Бобан Илиоски и Силвио Мировски.

Михајловски одлично го започна шампионатот во дисциплината „кик лајт“ над 94 килограми. Последователно ги елиминираше Михал Јанак од Словачка (3-0) во осминафиналната борба и Египќанинот Мостафа Саад, кого го победи со технички нокаут. Во полуфиналето беше подобар од Словенецот Блаж Поточник со чисти 3-0, а дури во завршната пресметка Гасчак успеа да го запре неговиот победнички поход.