Болидот на Шумахер продаден за вртоглави 16 милиони евра 

За време на викендот, во Монако се одржа аукција каде што автомобилот „Ферари Ф2001“ на германскиот возач Михаел Шумахер беше продаден за неверојатни 15.980.000 евра. Ова е најскапиот автомобил на Ферари некогаш продаден, управуван од легендарниот Шумахер.

За време на викендот, во Монако се одржа аукција каде што автомобилот „Ферари Ф2001“ на германскиот возач Михаел Шумахер беше продаден за неверојатни 15.980.000 евра, а целата сума оди во фондацијата „Keep Fighting“, која ја продолжува хуманитарната работа на седумкратниот светски шампион во Формула 1.

Шасијата со број 211 се смета за еден од најбараните автомобили на „Ферари“ во историјата, особено откако Шумахер ја обезбеди својата четврта шампионска титула кај возачите во неа.

„Само победа на патеката во Монако би го направила овој автомобил многу значаен, но фактот дека е возен во сезона во која беа освоени титулите за возач и конструктор, првите изедначени во историјата на „Ферари“, го крева на сосема ново ниво. Возбудени сме бидејќи шасијата 211 повторно е на местото на историската победа, привилегија е да се продаде автомобилот за време на тркачкиот викенд во Монако“, изјави директорот за продажба во аукциската куќа RM Sotheby’s, Аугустин Сабати-Гарат.

Ферарито Ф2001 на Шумахер се смета за скапоцен камен во круната од неколку причини. Не само што победи во Монако во 2001 година, туку му ги донесе на тимот од Маранело обете титули. Ова е единствениот автомобил во кој Германецот ја обезбеди победата во Монако и титулата шампион на возачи.

Откако Шумахер победи во Унгарија, беше обезбедена и титулата кај конструкторите, што беше првпат Ферари да успее да победи на двете трки две години по ред. Исто така, ова е последниот автомобил што победил во Монако во истата година кога ја освоил титулата.

F2001 потекнува од популарната спортска ера, напојуван од 3,0-литарски V10 мотор кој развива 825 КС. Шумахер и неговиот соиграч Рубенс Барикело заедно забележаа 10 победи, 13 пол позиции, три најбрзи круга и 197 поени.

Да кажеме и дека ова е најскапиот автомобил на Ферари некогаш продаден, управуван од легендарниот Шумахер.