Војничката јакна на Зеленски продадена за 90.000 фунти во Лондон

Британската аукциска куќа „Кристис“ ја продаде познатата зелена јакна на украинскиот претседател Володимир Зеленски во Лондон за 90.000 фунти, пишуваат медиумите во светот.

Додека Украина се бори против многу поголема воена сила и ресурси со кои таа располага, се одржуваат аукции за собирање помош за Киев, објави британски „Мирор“.

Аукциската куќа „Кристис“ учествува во меѓународна програма чија цел е да се подигне помошта за Украина до еден милион фунти.

Британскиот премиер Борис Џонсон успеа да го поттикне наддавањето на веќе познатата војничка јакна на Зеленски, нарекувајќи ја почетната цена од 50.000 фунти „смешна“.

Тој ги повика учесниците на аукцијата да учествуваат во тоа дека големата античка европска престолнина Киев никогаш повеќе не може да биде загрозена и Украина повторно да биде цела и слободна.

Зеленски, кој ја донираше јакната на аукција во февруари, по почетокот на руската инвазија, се обрати во видео пред почетокот на натпреварот во рамките на хуманитарниот собир „Храбра Украина“ и зборуваше за „храбриот Борис“ кој дошол да го посети во Киев, пренесуваат агенциите.

Меѓу предметите понудени на аукцијата бил и керамички бокал во форма на петел, кој Зеленски му го подарил на Џонсон за време на неговата посета на украинската престолнина на 9 април.

На купувачите им била понудена и посета на Киев во придружба на градоначалникот и поранешен боксерски шампион во тешка категорија Виталиј Кличко.