Македонија останува на 67. место на ФИФА ранг-листата

Фудбалската А репрезентација на Македонија според најновото ФИФА рангирање останува на 67. место со 1375 поени.

Нашите најдобри фудбалери минатиот месец во првите натпревари од квалификациите за пласман на Светското првенство 2026 славеа на гости против Лихтенштајн (3:0), а ремизираа дома против Велс (1:1).

Следните официјални мечеви избраниците на селекторот Благоја Милевски ќе ги имаат во јуни. Во мундијалскиот квалификациски циклус на 6 јуни во Скопје доаѓа Белгија, а три дена подоцна гостуваме кај Казахстан.

Белгија остана на осмото место, додека Казахстан има пад од три места и е на 113 позиција.

Во Топ 10 има две промени, Шпанија сега е второпласирана, а Франција падна на третото место. Холандија скокна на шестата позиција, а Португалија сега е седмопласирана.

На врвот останува репрезентацијата на Аргентина со 1886 поени.