Лекарите бараат капитациски бод од 100 денари

Продолжуваат разговорите за зголемување на капитацијата на лекарите од примарната здравствена заштита и во моментов нема конкретна одлука. Разговорите се очекува да завршат до средината на март. Од Фондот за здравство не посочуваат дали ќе се исполни барањето на Здружението на лекари лекари за зголемување на капитацијата на матичните лекари на 100 денари.

„Во моментов се водат преговори на ниво на работни групи меѓу претставници на Здружението на приватни лекари и претставници на Фондот за здравствено осигурување. Се очекува овие разговори да завршат до средината на март 2025 година, а постигнатиот договор да се реализира од 1 април“, велат од Фондот за здравствено осигурување.

Од Здружението на приватни лекари се оптимисти дека нивното барање годинава ќе се реализира.

„Годинава преговаравме со Фондот, со сите координатори и имавме два посебни работни состаноци за казните и превентивните мерки на кои посветивме внимание бидејќи сметаме дека превентивните мерки за пациентите се многу важни и ни треба време за ова да се реализира и затоа сметаме дека оваа година имавме успешни преговори. Очекуваме и капитационите бодови до 1 април да бидат 100 денари“, изјави Лилија Чолакова Дервишова, претседателка на Здружението на приватни лекари.

Според Здружението на приватни лекари, зголемувањето на капитацијата за матичните лекари е неопходно за поддршка на лекарите од примарната здравствена заштита. Последен пат, на 1 јануари 2023 година, имаше зголемување на капитацијата од 63 на 75 денари./Alsat.mk