Три автомобили, еден камион и еден автобус учествувале во вчерашата сообраќајка на скопската обиколница 

Три автомобили, еден камион и еден автобус учествувале со тешката сообраќајна несреќа која вчера вечерта околу 20:30 се случи на автопатот – обиколница на град Скопје, во близина на клучка Смилковци.

Од МВР, информираат дека несреќата се случила помеѓу автомобил „фолксваген голф“ со скопски регистарски ознаки, управуван од К.С.(54) од с.Арачиново, скопско, автомобил „хјундаи“ со косовски национални ознаки, управуван од Б.Б.(54) од Косово, автомобил „бмв“ со скопски регистарски ознаки, управуван од М.Д.(27) од с.Радишани, скопско, товарно возило „сканиа“ со приколка со бугарски национални ознаки, управувано од Д.Д.В.(55) од Бугарија и паркиран автобус „санос“ со скопски регистарски ознаки.

„Во несреќата со тешки телесни повреди се здобил возачот К.С., додека со телесни повреди се здобиле возачите Б.Б. и М.Д., констатирани во Градската општа болница „Св.Наум Охридски“ во Скопје“, велат од полицијата.

Извршен бил увид од увидна екипа на СВР Скопје.