Македонската гајда на листата на нематеријално културно наследство на УНЕСКО 

Гајдата од Македонија е прогласена за нематеријално културно наследство на УНЕСКО.  Ова е шесто добро по ред од Македонија кое се најде на репрезентативната листа. 

Иако ова досие за традиција за правење и свирење на гајда го впишуваме заедно со Турција, како бинационално досие поради сличноста на музичкиот инструмент, сепак посебно се слави како гајдата од Македонија впишана во унесковата листа.

Серафимовска е децидна дека ова е голем успех за Македнија. 

Покрај гајдата, на оваа листа од Македонија се впишани и обичајот Четрсе во Штип, орото Копачката, машкото двогласно пеење од Доллни Полог,  Хидрелез – славењето на пролетта, како и обијачот со мартинките.

Со конвенција донесена во 2003 година, членките на УНЕСКО изгласаа да се формира и светска листа на нематеријално културно наследство. На оваа листа се поместени духовни вредности кои и денес се практикуваат во светот, но се во опасност од изумирање. Од Македонија на оваа листа се впишани:

– Обичајот Четрсе во Штип – одбележување на празникот Свети 40 маченици (Младенци) на штипскиот Исар, прогласен во 2013 година;
– Орото „Копачката“ што се игра во Драмче, Пијанец, впишан на репрезентативната листа во 2014 година;
– „Гласоечко“ – машко двогласно пеење од Долни Полог, во 2015 година;
– Хидрелез, славење на пролетта, обичај што се практикува во Македонија и во Турција, ставен на листата во 2017 година;
– Обичајот со мартинките, во чија подготовка покрај Македонија учествуваа и Бугарија, Молдавија и Романија. И овој обичај беше ставен на репрезентативната листа во 2017 година.