3×3 – EUROEDIL HOLDING го освои второто место на Red Bull Half Court светското финале!
Екипата на EUROEDIL HOLDING, освојувачот на Red Bull Half Court Македонија го освои второто место на светското Red Bull Half Court финале, кое во изминатите два дена се одржува во Дубаи, Обединети Арапски Емирати.
Храбрите момци, кои пред неколку месеци беа најдоминантни на познатиот терен во скопско Влае, во финалниот натпревар загубија од екипата на Египет со 21:12.
Претходно Македонците им одржаа баскет-лекција на екипата од Молдавија во полуфиналниот дуел (19:4), односно на Јапонија во четвртфиналето (14:9).
Во рамки на групната фаза, баскетчиите од EUROEDIL HOLDING славеа против екипата на САД и на Малдиви, додека загубија од екипата од Јужна Африка.
Екипата на EUROEDIL HOLDING настапи во состав: Елвис Хот, Амар Хот, Карло Блажевски и Паоло Блажевски.
– Горди сме на нашите момци! Елвис, Амар, Карло и Паоло оставија срце на терен! Изгубивме во финалето од екипата на Египет, иако ова е најголем успех за нашата 3х3 репрезентација, не застануваме тука! – стои во објавата на 3x3macedonia на Инстаграм.
