Ѓоковиќ го победи Мунар и урна рекорд на Федерер

Новак Ѓоковиќ со 2-1 во сетови го совлада шпанскиот тенисер Хауме Мунар на мастерсот во Шангај и урна рекорд на легендарниот Роџер Федерер.

По голема борба, српскиот тенисер со 6-3, 5-7 и 6-2 го совлада Мунар и обезбеди пласман во четвртфиналето во Шангај.

Со тоа стана највозрасниот тенисер кој успеал да се пласира во четвртфинале на АТП 1000 мастерс.

Ѓоковиќ обезбеди место меѓу осумте најдобро на 38 години и 133 денови, претходно рекордот го држеше Федерер со 38 години и 60 денови.

Во четвртфиналето Новак ќе игра против Белгиецот Бергс кој со 2-1 во сетови го совлада Диало.