Францускиот премиер ја одложи контроверзната пензиска реформа

Францускиот премиер Себастијан Лекорни денес ја одложи контроверзната пензиска реформа од 2023 година до по претседателските избори, попуштајќи под притисокот од левичарските пратеници кои го бараа овој потег да го поддржат неговиот политички опстанок.

Лекорни, кој се соочува со тешка битка да преживее најмалку две гласања на доверба подоцна оваа недела, го објави ова во обраќање пред парламентот како дел од последниот обид да се создадат услови за носење намален буџет за 2026 година.

Одлуката на Лекорни претставува признание од францускиот претседател Емануел Макрон дека одложувањето на пензиската реформа е единствениот начин да се обезбеди опстанокот на Лекорни, неговиот шести премиер за помалку од две години.

„Ќе му предложам на парламентот, уште оваа есен, суспензија на пензиската реформа од 2023 година до претседателските избори“, им кажа Лекорни на пратениците. „Од сега до јануари 2028 година, нема да има зголемување на возраста за пензионирање“, додаде тој.

Со пензиската реформа во Франција се сака да се зголеми возраста за пензионирање од 62 на 64 години.

Францускиот премиер се обидува да протурка буџет кој би го намалил владиниот дефицит и би довел до решавање на натрупаниот јавен долг.