Спорт

Ферстапен победи во Катар и најави спектакуларна завршница на сезоната во Абу Даби

Актуелниот шампион Макс Ферстапен победи на трката за Големата награда на Катар, а тоа значи дека исходот на сезоната ќе се одлучува на последната трка во Абу Даби.

На денешната трка на Ландо Норис му беше потребен триумф за да стане шампион, но Макс Ферстапен успеа да триумфира и да ја одржи возбудата до последната трка оваа сезона.

Норис денеска во Катар не беше на своето ниво, па заврши на четвртата позиција, а можеше да биде и петти бидејќи во последниот круг го помина Антонели по една грешка на возачот на Мерцедес. Оскар Пјастри заврши како второпласиран, додека подиумот го пополни Карлос Сајнц од Вилијамс.

По денешната трка Норис е на 408 бода, Ферстапен со триумфот дојде до 396, додека Пјастри има 394.

Последната трка се вози на 7 декември во Абу Даби и таму ќе се одлучува шампионот за оваа сезона, па сигурно дека ќе гледаме вистинска драма бидејќи во неа тројца возачи ќе се борат за титулата.

Leave a Reply

Your email address will not be published. Required fields are marked *

Show Buttons
Hide Buttons