Дејан Георгиевски донесе уште еден голем и значаен резултат за таеквондо спортот во Македонија, златен медал на елитниот меѓународен турнир што се одржа во Скопје.

Георгиевски беше најдобар во својата категорија на СКОПЈЕ ОПЕН РАМУС Г1, односно во финалето го доби Керим Куцуецсунхур од Германија.

Ова е резултат кој му носи нови бодови на Дејан за остварување на големата цел, олимписка норма за Летните Олимписки Игри кои ќе се одржат во Лос Анџелес.

Во текот на вчерашниот дел златни медали во јуниорска категорија освоија Андреј Василевски и Христијан Симоновски.