УАПСЕН ПИРОМАН ОД ШТИП – се терети за предизвикување на пожарот кај месноста „Елки“ 

Уште едно лице е уапсено поради поради предизвикување пожар. Станува збор за штипјанецот Б.С. стар само 25 години кој се сомничи дека го предизвикал пожарот во месноста „Елки“.

Како што посочуваат од Министерството за внатрешни работи, се работи за лице со здравствени проблеми, но не прецизираа за каков тип. Лицето е сместено во Психијатриската болница во Штип. 

– На 30.08.2025 околу 15:20 часот во Штип, полициски службеници од СВР Штип го лишија од слобода Б.С. (25) затоа што околу 14:30 часот предизвикал пожар во месноста „Елки“, при што била опожарена сува трева и ниска вегетација. 

Веднаш по добиената пријава за настанат пожар, полициските службеници презедоа соодветни мерки и активности и констатирано е дека Б.С. , лице со здравствени проблеми, запалил трева, по што пожарот се проширил кон ридот. 

Известен е јавен обвинител, Б.С. по насока на медицинско лице е пренесен во Психијатриска болница Штип и по документирање на случајот, ќе биде поднесен соодветен поднесок – посочуваат од МВР во соопштението. 

Во текот на вчерашниот ден МВР соопшти дека се уапсени двајца пиромани од Кавадарци и кавадаречко.