Труење од храна во Гостивар: Девет лица примени во болница 

Синоќа вкупно девет лица биле згрижени во Инфективното оддление во гостиварската Болница, со симптоми на труење.  Дежурниот лекар во Одделението за МИА информираше дека синоќа во периодот од 22 часот до полноќ биле примени пациенти на помлада возраст кои претходно се јавиле во Брза помош.

Според првичните информации, лицата се затруле од храна во еден угостителски објект. По дадената терапија сите се испратени дома и нема потешки случаи.

– Сите се жалеа на повраќање, дијареја и изнемоштеност. По направените анализи на крвта и прегледите им беше дадена соодветна терапија и се пуштени на домашно лекување, изјави инфектологот Ратко Наумоски.

 Епидемиолошката служба на Центарот за јавно здравје ги презела сите мерки. Земени се примероци за анализа, по што ќе се знаат причините кои довеле до влошување на здравствената состојба на пациентите и дали станува збор за бактериолошка инфекција.