Трамп: Не ги изземавме мобилните од Кина од тарифи, Кина најлошо нè третира

САД не ги укинаа царините за полупроводници и мобилни телефони од Кина, објави американскиот претседател Доналд Трамп на својата социјална мрежа Трут соушл.

Објавата на Трамп доаѓа откако Царината и граничната служба на САД во петокот објави дека иззема одредени кинески производи за широка потрошувачка, како што се паметни телефони, компјутери и полупроводници од царина од 145 отсто за кинескиот увоз.

https://truthsocial.com/@realDonaldTrump/114332337028519855/embed

„НИКОЈ нема да се „извлече“ за неправедните трговски биланси и немонетарните трговски бариери што другите земји ги користат против нас, особено не Кина, која нè третира најлошо, многу полошо од другите земји.

Во петокот не беше објавено никакво тарифно „изземање“. Овие производи подлежат на постојните тарифи за фентанил од 20% и само се преместуваат во друга тарифна „категорија“. Лажните вести го знаат ова, но одбиваат да објават.

Во претстојните тарифни истраги за националната безбедност, ќе се осврнеме на полупроводниците и ЦЕЛИОТ СИНЏИР НА СНАБДУВАЊЕ НА ЕЛЕКТРОНИКА.

Она што беше откриено е дека ние мора да произведуваме производи во САД и дека другите земји нема да нè држат како заложници, особено не нации како Кина кои се непријателски настроени по трговските прашања и кои ќе направат сè што можат за да го понижат американскиот народ.

Исто така, не можеме повеќе да им дозволиме да нè искористуваат во трговијата, како што тоа го прават со децении – ТИЕ ДЕНОВИ ЗАВРШИЈА!

Златното доба на Америка, кое ги вклучува претстојните даночни и регулаторни кратења, од кои значителен дел штотуку беа одобрени од Претставничкиот дом и Сенатот, ќе значи повеќе и подобро платени работни места, производство во нашата земја и односот со другите земји, особено со Кина, ист каков што тие се однесуваат кон нас.

На крајот на краиштата, нашата земја ќе биде поголема, подобра и посилна од кога било досега. Ќе ја направиме АМЕРИКА ПОВТОРНО ГОЛЕМА!“ напиша Трамп.