Тмурен ден со пороен дожд, на планините снег

Претежно облачно со повремени врнежи од дожд, а на планините од снег, ќе биде времето денеска.

Пообилни врнежи ќе има во југоисточните делови од земјата (над 20л/м2).

Поради спуштање на постудена воздушна маса од север, врнежите ќе преминат во снег во повисоките, како и во некои од пониските места.

Ќе дува слаб до умерен ветер од променлив правец.

Утринските температури ќе се движат од 0 до 5 степени, а дневната ќе достигне до 8 степени.

Во Скопје, времето ќе биде претежно облачно со повремени врнежи од дожд.