Стефан Ристовски ќе игра за турскиот суперлигаш Кочаелиспор?! 

Откако го напушти Динамо Загреб, македонскиот фудбалер Стефан Ристовски (33) ова лето би можел да ја продолжи кариерата во Турција.

Најновите информации велат дека Ристовски се поврзува со турскиот клуб Кочаелиспор.

Кочаелиспор минатата сезона го освои првото место во втората лига, и во новата ќе настапува во најсилната турска Суперлига.

Нашиот дефанзивец за Динамо имаше 185 официјални настапи со седум голови и 21 асистенција.

На клупски план беше дел и од Вардар, Парма, Кротоне, Фросиноне, Бари, Латина, Риека и Спортинг.