Сончево и многу топло, температурите ќе скокнат до 37 степени! 

Сончево и многу топло со мала до умерена облачност. Попладне ќе има развој на нестабилна облачност со локален пороен дожд и грмежи. Наместа процесите ќе бидат поинтензивни во форма на невреме со засилен ветер и појава на град.

Во Скопје, сончево и многу топло со мала до умерена облачност. Попладне во делови од котлината ќе има појава на нестабилност со пороен дожд, грмежи, засилен ветер и услови за изолирано невреме со град.

Под влијание на топла воздушна маса од југ до крајот на оваа седмица времето ќе биде многу топло. Од понеделник ќе преовладува претежно стабилно време, а дневната температура ќе биде во опаѓање.