Се отвора центар за обука на административни службеници – aдминистративците ќе се обучуваат според нови законски критериуми 

Во скопската населба Аеродром беше пресечена лентата за отворањето на Центарот за обука на административни службеници. Министерот за јавна администрација, Горан Минчев, изјави дека административните службеници ќе ги стекнат потребните знаења и вештини за одговорно извршување на своите улоги.

Минчев посочи дека и граѓаните кои ќе конкурираат за работа, но и другите вработени, ќе треба професионално да се обучуваат и едуцираат.

Најавено беше и дека вакви центри за обука ќе бидат отворени и во други места низ Македонија.