Рубио: Средбата со Кина беше многу конструктивна

Државниот секретар на Соединетите Американски Држави, Марко Рубио, денес оцени дека неговата средба со неговиот кинески колега Ванг Ји била „многу конструктивна“, но предупреди дека сè уште има „проблеми“ во односите меѓу двете земји, кои треба да се решат.

Рубио ја организираше средбата на маргините на дводневниот регионален форум за безбедност во Малезија, како дел од стратегијата на американскиот претседател Доналд Трамп за зајакнување на позицијата на САД во Индо-Пацификот, објави Ројтерс.

Тој истакна дека постои „голема веројатност“ да има средба меѓу американскиот претседател Доналд Трамп и кинескиот лидер Си Џинпинг, иако датумот сè уште не е одреден.