Ребиќ оди во Наполи, Елмас во Милан? 

Како наближува крајот на сезоната така се зголемуваат шпекулациите за трансфери, во италијанските медиуми има гласини дека Милан би можел во Наполи да го прати Ребиќ, а да го донесе Елмас. 

Елмас има впечатлива сезона во Наполи иако последните натпревари ги почнуваше од клупата за резерви. А раководството на Милан не е задоволно од Анте Ребиќ и сака да се ослободи од него. Се верува дека Наполи би можел да биде купувач на Ребиќ, а цената би била помеѓу 15 и 25 милиони евра. Една од опциите е Милан да го даде Ребиќ, а да го добие Елмас. Но може да се случи Милан да ги искористи парите за ангажман на друг играч, се споменуваат Траоре од Сасуоло и Бајрами од Емполи.