Ракометарите ќе поделат премија од 50.000 евра за пласманот на Европското првенство 

Македонските ракометари со победата над Литванија од 26-17 го заверија учеството на Европското првенство, а тоа ќе им донесе и премија.

Македонија ја оствари целта, ќе го продолжиме континуитетот на настапи на големите натпреварувања.

За успехот ракометарите ќе поделат премија од 50.000 евра која претходно беше најавена.

Ракометната федерација на Македонија (РФМ) вети дека ќе одвојат 1,5 милиони денари, а исто толку вети и Министерството за спорт. Вкупната сума од двете институции е околу 50.000 евра.