Пo инцидентите во Македонија и на други места за британските војници забрането е распоредувањето на Балканот 

Членови на Третиот падобрански баталјон кои присуствуваа на воена вежба во мај во Македонија беа обвинети за „непрофесионално однесување“ заедно со војници од други единици. Неодамна се појавија и шокантни снимки на кои се гледа како британски војници учествуваат во оргии. По овие случки, откажано е годишното распоредување на стотина британски падобранци како дел од мисиите на НАТО на Балканот, пишува британскиот весник Гардијан.

Во писмо до генералите и командантите, новиот шеф на британската армија, генерал Сер Патрик Сандерс, рече дека не е подготвен да ги „ризикува мисијата и угледот на армијата“ со испраќање во странство војници кои учествувале во инцидентот, пренесува весникот.

Според извештаите на медиумите, осум падобранци од 16-та бригада за воздушни напади се под истрага откако биле снимени како имаат секс со жена, цивил, во касарната Мервил во Колчестер, Источен Есекс, додека десетици други го гледале чинот.

На видеата од инцидентот се гледаат односи во различни делови од базата, а на едно од видеата наводно се гледаат полуголи војници како се поздравуваат додека еден од нив е во интимна врска со црвенокоса жена, пишува Сан.

Иако воената полиција утврди дека нема елементи за кривично гонење, генералот Сандерс рече дека активноста може да се толкува како „омаловажување на жените“ и дека е „спротивно на воените вредности и стандарди“, објави Тајмс, кој имаше увид во писмото.

Весникот наведува дека се верува дека жената тајно престојувала во касарната дури 31 пат за пет месеци. Се забележува дека инцидентот уследи по низа други случаи на недолично однесување за време на вежба во Македонија во мај, кога членовите на Третиот падобрански баталјон беа обвинети за „непрофесионално однесување“ за време на вежбата, заедно со војници од други единици.

Наместо десетдневна воена вежба на НАТО во Босна и Херцеговина и Косово и Метохија, од падобранците се бара „да размислат за тоа каде не ги исполниле очекувањата од британската војска“.

Неколкумина британски војници во мај во Македонија предизвикаа неколку инциденти по што завршија во полициска станица. Британските државјани за кои извести полицијата, беа војници кои биле дел од воената вежба „Брз одговор 22″, што се одржа на армискиот полигон „Криволак”. Во период кога вежбата заврши и следуваше процес на враќање на опремата овие лица ги искористиле вечерните часови за прошетки. Во билтенот на МВР пишуваше дека седуммина од нив завршиле во полициска станица. Четворица поради украдено такси возило, а тројца поради кршење во ресторан и напад на полицаец.