Промена на Зелениот план: ЕУ се откажува од целосната забрана на бензинците и дизелашите

Целосната забрана за продажба на нови автомобили на бензин и дизел во Европската Унија од 2035 година ќе биде ублажена, најави еден од водечките политичари на Европскиот парламент. Одлуката, која Европската комисија треба да ја соопшти следниот вторник во Стразбур, предизвика остри поделби и гнев кај еколозите, кои тврдат дека го поткопува Зелениот план на ЕУ, пренесува Гардијан.

Германскиот канцелар Фридрих Мерц денес изјави дека поддржува таков пресврт, по неколкумесечни притисок за промена на правилата за укинување на моторите со внатрешно согорување.