Прекумерната употреба на лимон може да биде штетна 

Лимонот е полн со витамин Ц и бројни други хранливи материи, па затоа е корисен и често присутен во секојдневната исхрана. Но, прекумерното внесување може да доведе до големи стомачни проблеми, сметаат лекарите.

Имено, високата киселост на лимонот може да предизвика дразнење на желудникот, а тоа ја зголемува опасноста од појава на чир или гастритис. Овој проблем е особено изразен доколку лимонот се внесува на празен стомак.

Киселината во лимонот може да ја иритира слузницата на желудникот, зголемувајќи го лачењето на желудочната киселина, што може да ги влоши симптомите на состојби како жиговина, рефлукс и гастритис, објаснува гастроентерологот д-р Мајкл Вилијамс од Мисури, во САД.

Премногу честото консумирање може да предизвика и чир на желудникот, поради киселоста.

Умерената употреба на лимон, пак, може да биде корисна за здравјето. Се препорачува и да се урамнотежи вносот со намирници коишто ја неутрализираат киселоста, за да се спречат лошите последици за желудникот.