Пливачката Миа Блажевска Еминова постави нов апсолутен рекорд на Македонија 

Како што соопштија од Националната Пливачка Федерација, поставен е нов апсолутен рекорд на Македонија.

На Европското У23 првенство што се одржува во Шаморин, Словачка, нашата репрезентативец Миа Блажевска Еминова постави нов Апсолутен рекорд на Македонија во дисциплината 50 метри делфин со време 28,42 секунди.

Стариот рекорд беше со време од 28,56 секунди исто така во сопственост на Блажевсна Еминова.

Во оваа дисциплина на ЕП нашата пливачка го освои последното 10 место во својата група.

Воедно Блажевска Еминова настапи уште во две дисциплини во Шаморин, во дисциплината 100 метри во групата 1 беше третопласирана со време од 57,94 секунди или севкупно 28 место од 34 пливачки, а три натпреварувачки не настапија во своите трки.

Блажевска Еминова во дисциплината 50 грбно, во групата 2 се најде на последната деветта позиција со време од 30,64 секунди.