Писмо oд Моцарт, кое долго било сметано за загубено, продадено на аукција за 440.000 евра

Писмо од композиторот Волфганг Амадеус Моцарт од 1783 година било продадено на онлајн аукција на приватен европски понудувач за 440.000 евра.

Продажната цена на писмото ја надминала за повеќе од четири пати почетната цена од 100.000 евра, објави аукциската куќа International Autograph Auctions Europe, со седиште во Малага на југот на Шпанија.

Аукциската куќа наведува дека имало голем интерес во САД и Азија.

Писмо од австрискиот композитор до францускиот издавач Жан-Жорж Зиберт, напишано на германски, всушност се сметало дека е изгубено, соопшти аукциската куќа. Подоцна беше пронајдено во семејната архива.

На продажба беше и писмото на Џон Ленон на осум страници, адресирано до Ерик Клептон од 1971 година, во кое тој предлага да се формира нов „супер бенд“. Сепак, писмото не беше продадено.

„Имаше интерес, но не беше доволно да се даде понуда“, изјави портпаролот на аукциската куќа.

Почетната цена на писмото беше меѓу 80.000 и 100.000 евра.