Пејпал најави соработка со ОпенАИ: Купување со помош на вештачка интелигенција

Пејпал вчера склопи договор со ОпенАИ за интегрирање на дигиталниот паричник на компанијата во ЧетГПТ, овозможувајќи им на корисниците полесно да плаќаат за производи пронајдени преку водечката алатка за вештачка интелигенција за потрошувачите.

Како што пренесува Си-ен-би-си, овој договор значи дека од следната година корисниците на Пејпал ќе можат да купуваат производи преку ЧетГПТ, а трговците ќе можат да продаваат преку платформата.

Како што е наведено, идејата е повеќе од 700 милиони корисници неделно да можат да користат вештачка интелигенција за да им помогне да пронајдат производи.

Минатиот месец, ОпенАИ овозможи купувања од продавачи на платформите Шопифај и Етси, а пред две недели објави договор со Волмарт.