Падна рекордот во женскиот фудбал: Арсенал го реализираше првиот трансфер вреден 1 милион фунти 

Женскиот тим на Арсенал реализираше рекорден трансфер, на „Емирати“ пристигнува Оливија Смит од Ливерпул во зделка вредна околу 1 милион фунти.

Женскиот фудбал го доби првиот трансфер од 1 милион фунти, Арсенал го собори светскиот рекорд со ангажманот на Оливија Смит од Ливерпул.

„Привилегија и чест е да потпишам со Арсенал. Мојот сон е да се борам на најголемите трофеи во Англија и Европа, па со нетрпение чекам да ја почнам новата авантура и да дадам свој допринос“ – вели фудбалерката од Канада.

„Атмосферата на „Емирати“ е неверојатна, па не можам да дочекам да ја имам таа поддршка од навивачите зад себе“.

Овој трансфер е рекорден, но нема да биде ниту 1% од тоа што Арсенал ќе го потроши за засилување на машкиот тим.

Доколку бидат донесени сите засилувања кои ги побара Микел Артета, „топчиите“ ќе инвестираат околу 280 милиони фунти.

До овој момент се купени Кепа Аризабалага (5 милиони фунти), Мартин Зубименди (60 милиони фунти) и Кристијан Норгард (15 милиони фунти).

Во завршна фаза е трансферот на Нони Мадуеке (50 милиони фуни), Виктор Ѓокереш (64 милиони фунти) и Кристијан Москера (17 милиони фунти).

Клубот од Северен Лондон исто така сака да го ангажира и Еберечи Езе од Кристал Палас, кој има цена од околу 68 милиони фунти.

ФОТО: X/Arsenal Women