Ол Стар: Македонските ѕвезди подобри од светот

Главниот настан на Ол старот, односно „Собирот на сите ѕвезди“ на македонската кошарка, вечерва во салата на СРЦ „Кале“ во Скопје, го крунисаа селекциите на „Македонија“ и на „Светот“.

Двете екипи понудија ефикасна прва четвртина, која заврши во корист на „Светот“ со 37-34. Идентично беше и во продолжение од средбата во која кошаркарите се бореа на теренот, а на паузата заминаа со 70-66 за странските играчи.

Најдобрите македонски кошаркари успеаја да го свртат резултатот во своја корист по третата четвртина (94-93), по што големата борба на паркетот продолжи и во завршните 10 минути каде што успеа да слави тимот на „Македонија“ со 119-115.

Најефикасен во тимот „Македонија“ беше Виктор Ташовски со 19 поени, пет скокови и четири асистенции, додека Декариус Николас запиша 22 поени, два скокови и три асистенции за тимот на „Светот“.

За најкорисен кошаркар на Олстарот беше избран Ташовски од редовите на ТФТ Скопје.