ОД КИЧЕВСКАТА БОЛНИЦА „ИСЧЕЗНАЛ“ ЕХО-АПАРАТ: Бил донација од Министерството за здравство 

Од Општата болница – Кичево вчера било пријавено дека е украден ехо-апарат. Овој дијагностички уред е донација од Министерството за здравство во 2021 година за време на корона пандемијата. 

„Вчера во 11.45 часот во ОВР Кичево е пријавено дека во Општа болница во Кичево, недостига ехо апарат, кој за време на ковид пандемијата во 2021 година во болницата бил дониран од Министерството за здравство“, соопштија од МВР, од каде наведуваат дека се преземаат мерки за расчистување на настанот.