Нејмар за враќањето во Сантош: Како да сум во временска машина!
Благодарен сум за сета ваша поддршка дури и во моите најтешки моменти. Ги имаше многу, но играњето фудбал, она што најмногу го сакам во животот е она што ме прави среќен, изјави Нејмар.
Бразилскиот напаѓач Нејмар го потврди своето враќање во својот прв клуб Сантош.
Во официјалното соопштение, 32-годишниот бразилски репрезентативец – сè уште најскапиот фудбалер на светот по неговата преселба во Пари Сен Жермен за 250 милиони долари во 2017 година – се надева дека преселбата во Сантош ќе му ја оживее кариерата.
Во видеото објавено за неговите 64 милиони следбеници на платформата X, Нејмар рече: „Еј момци, се чувствувам како да се враќам во минатото. Тука сум со моите пријатели и семејството и тие ми помогнаа да напишам неколку работи. Едноставно не можам да издржам до утре. Моето семејство и пријателите веќе ја знаат мојата одлука. Ќе потпишам договор со Сантош. Сакам да им се заблагодарам на моите фанови од целиот свет. Поминаа скоро 12 години откако заминав… и се чувствувам како да беше вчера. Моите чувства кон клубот и навивачите никогаш не се променија“.
Нејмар го имаше своето деби за Сантош во март 2009 година на 17-годишна возраст и постигна 136 гола на 225 натпревари пред да се приклучи на Барселона во 2013 година.
Тој одигра 186 натпревари во четири сезони во Шпанија, освојувајќи две титули во Ла Лига, Лигата на шампионите и Светското клупско првенство, пред да се пресели во ПСЖ за рекордна сума за трансфер.
Нејмар освои пет шампионски титули во Париз пред да се пресели во Саудиска Арабија кога му се приклучи на Ал-Хилал во август 2023 година.
-Имав прекрасни моменти во Ријад. Но, доживеав многу сериозна повреда што ме спречи да се вратам на начин како што би сакал. Сега морам повторно да играм. Само клуб како Сантош може да ми ја пружи љубовта што ми е потребна за да се подготвам за предизвиците што претстојат во годините што доаѓаат. Се надевам дека сите ќе бидете со мене во овој следен чекор од мојот живот.
Благодарен сум за сета ваша поддршка дури и во моите најтешки моменти. Ги имаше многу, но играњето фудбал, она што најмногу го сакам во животот е она што ме прави среќен, изјави Нејмар.
