Несторовски донесе победа за Славен Белупо

Славен Белупо со 1-0 ја совлада Истра, а единствениот гол на мечот беше дело на македонскиот напаѓач, Илија Несторовски.

Несторовски кој беше стартер на овој натпревар, голот го постигна во 64. минута. Тогаш начека една асистенција од Дабро и без големи проблеми ја смести топката во мрежата на противникот.

Несторовски настапи до 87. минута и беше најдобро оценет играч во тимот на Славен Белупо.

За Несторовски ова беше шести гол во првенството оваа сезона, има и три асистенции. Тој има вкупно 39 голови во најдобрата хрватска лига во 75 настапи.

90 минути на овој меч одигра Леонард Жута кој постигнуваше голови на претходните мечеви.