НАЈНОВА ВЕСТ: ВЕЧЕРВА ДЕВЕТ ПОЛИЦАЈЦИ ХОСПИТАЛИЗИРАНИ НА ТОКСИКОЛОГИЈА 

Девет полицајци биле примени на токсикологија откако вдишале чад при гаснењето и обидите за спречување на ширење на пожарот кој избувнал кај СЦ Борис Трајковски.Поради настанот кој се одвивал, при што избувнал пожар, полициските екипи со сите напори се грижеле публиката да биде евакуирана, но и да спречат ширење на пожарот, што резултирало со вдишување на чад и потреба од медицинска помош. – Денеска (30.08.2025) околу 16:00 часот во непосредна близина на спортскиот центар Борис Трајковски во Скопје настана пожар, при што и покрај неповолните временски услови, од страна на полициски службеници ангажирани за физичко обезбедување на меѓународниот ракометен турнир заедно со екипа од противпожарна заштита, преземени се мерки и активности со цел спречување на ширење на истиот и зафаќање на моторни возила и објекти како и лизгалиштето што е во склоп на спортскиот центар. Исто така безбедно е направена евакуација на учесниците на турнирот и сите други спортски работници и публика.

Како последица на настанатиот пожар девет полициски службеници се на кислородна поддршка на Одделот за токсикологија поради вдишување на чад и се во стабилна состојба – информираат од МВР.