НАФТАТА НА НАЈНИСКО НИВО ВО ПОСЛЕДНИТЕ ДВА МЕСЕЦИ: Цените се вратија на ниво под 90 долари 

Цените на нафтата во вторникот паднаа на најниско ниво од крајот на август, при што Брент повторно падна под 90 долари.

Трговците со нафта јасно го отфрлаат црното сценарио дека Иран би можел да се приклучи на војната меѓу Израел и Хамас или дека би можеле да видиме поголем шок во снабдувањето.

Од друга страна, на најновите намалувања на цената на нафтата влијаат и факторите од страната на побарувачката. Не се работи само за Европа, која е на работ на рецесија, туку и за продолжување на неповолните кинески податоци, бидејќи индексот на менаџери за набавка (PMI), кој ја мери производната активност, во октомври неочекувано падна.

Во својата најнова публикација, објавена во понеделникот, Светска банка забележува дека светската цена на нафтата во последниот квартал од оваа година во просек би требало да биде 90 долари за барел од 159 литри, а следната година 81 долар. Овие проекции не би биле валидни доколку конфликтот на Блискиот Исток значително ескалира. Светска банка предупредува дека во тој случај цената на нафтата би можела да надмине 150 долари, што би ја направило ситуацијата слична на нафтениот шок од 1973 година.