Миовски конечно доби нов тренер 

Шкотскиот гигант, Ренџерс, денеска го промовираше новиот тренер, тоа е германскиот стратег Дени Руел.

Во изминатиот период Реџерс беше поврзуван со имиња како Стивен Џерард и Оле Гунар Солшер, на крајот релативно непознато име ангажираа за тренер.

Младиот германски стратег досега беше дел од стручните штабови на Лајпциг, Саутемптон и Баерн Минхен, а како самостоен тренер работеше во Шефилд Венздеј, клуб кој го остави на дното од Чемпионшип.

Ренџерс во овој момент има само девет бодови по осум одиграни кола во шкотскиот шампионат, дури 13 помалку од водечкиот Хартс.