Македонија скокна за пет позиции на новата ФИФА ранг листа 

Фудбалската репрезентација на Македонија има напредок на последната ФИФА ранг листа, причина се резултатите на јунските натпревари.

Македонија победи на гостински терен кај Казахстан и ремизираше на домашен терен со фаворитот Белгија. Ваквите резултати ја искачија нашата селекција на 62. место на ФИФА ранг листата.

Аргентина и понатаму е на првото место, Шпанија е втора, во топ 10 следуваат Франција, Англија, Бразил, Португалија, Холандија, Белгија, Германија и Хрватска.

Добрата серија резултати се очекува да ја продолжиме во септември кога ќе го пречекаме Лихтенштајн.