Македонија има седум отсто шанси да заврши прва во групата
По ремито во Гент, македонската фудбалска репрезентација остана на првото место во групата пред Белгија и Велс кои имаат и натпревар помалку, статистичарите веднаш ги пресметаа шансите за првото и второто место.
Иако во моментов е на чело на табелата, на Македонија ѝ се даваат убедливо најмалку шанси за да остане таму. Имаме најмалку шанси и за втората позиција.
Во најдобра позиција е Белгија која има 67 проценти шанса да го освои првото место, на Велс му се даваат 26,2 проценти, а на Македонија само 6,8.
Се смета дека на втората позиција ќе заврши Велс кој има 45,6 проценти на шанси за тоа, Белгија е со 29 проценти, а Македонија со 25,3.
На овој ЛИНК може да проверите што ни треба за да го освоиме првото место и директно да се пласираме на Мундијалот.
