Искористете ги топлите денови пред да дојдат есенските дождови: Денес сончево и топло со слаб ветер 

Времето во Македонија денеска наутро ќе биде посвежо, преку денот сончево и топло. Ќе дува слаб до умерен ветер од јужен правец. Максималните дневни температури ќе се движат од 27 до 33 степени Целзиусови.

Во Скопје, сончево и топло. Ќе дува слаб до умерен ветер од јужен правец, а максималната дневна температура ќе достигне 33 степени Целзиусови.

Утре времето ќе биде сончево и топло со мала до умерена локална облачност и дневни температури до 33 Целзиусови степени. Ќе дува слаб до умерен ветер од јужен правец.