Инспектори од други градови ќе ги ловат загадувачите во Скопје

Индустриите под лупа на инспекторатот за животна средина, пред грејна сезона ќе се прават строги контроли. За да се спречат притисоци, инспекторите во мешовит состав ќе вршат контроли. Загадувачите во Скопје ќе ги ловат инспектори од други градови. 

Новата директорка на инспекторатот најави засилување на тимот со нови вработувања, бидејќи затекла недостиг на кадар.

Од инспекторатот велат во следниот период ќе организираат средба за да ја известат јавноста за надлежностите. Граѓаните треба да знаат за кои загадувачи се тие надлежни, а за кои локалната самоуправа.