Иванка Трамп: Да се ​​биде претседател е најосамената позиција на светот

Ќерката на новоизбраниот претседател на Соединетите Американски Држави, Доналд Трамп, Иванка, изјави дека е подготвена да го поддржи својот татко во следните четири години, а дека функцијата претседател е најосамената позиција на светот.

Во интервју во поткаст таа рече дека на функцијата претседател секојдневно се носат огромен број одлуки и дека со нетрпение го очекува фактот дека во следните четири години ќе може да му се најде на Доналд Трамп како ќерка, пренесува „Фокс њуз“.

„Најмногу се радувам што ќе можам да бидам со него, да му го тргнам умот од работата, да гледам филм со него или да гледам спортски натпревар, да знам дека може да биде со мене и да биде свој и само да се опушти. И дека ќе можам тоа да му го подарам со многу љубов како негова ќерка“, изјави Иванка Трамп, која беше советничка на Трамп за време на неговиот прв мандат.

Таа оцени и дека следните четири години ќе бидат одлични.

„Татко ми е возбуден. Возбудени сме сите. Мислам дека има општа возбуда во оваа земја што е катализирана и мислам дека ќе бидат одлични четири години“, рече Иванка.