Значително намалување на цената на бензинот – ова се новите цени на горивата од полноќ 

Намалување на цените на горивата од вечерва на полноќ, соопшти Регулаторната комисија за енергетика. 

ЕУРОСУПЕР 95 се намалува за 2,5 денари и од утре ќе изнесува 75 денари по литар. ЕУРОСУПЕР 98+ се намалува за 2 денари, и ќе изнесува 77,5. ЕУРОДИЗЕЛ не се менува, и останува 72 денари по литар. 

Останува иста цената на екстралесното масло за домаќинство 71,5 денари и цената на мазутот останува иста 43,5 денари.