За Додик една година казна затвор и шест години забрана за активност во политиката

Судот на Босна и Херцеговина го прогласи за виновен претседателот на Република Српска Милорад Додик и го осуди на една година затвор и шестгодишна забрана за политичка активност. 

Ова е првостепена пресуда која може да се обжали.

Додик од видео бим од пред зградата на Народното Собрание во Бања Лука ја проследи пресудата. Тој претходно кажа дека нема да присуствува на пресудата, а неговиот адвокат рече дека законот не ги обврзува да присуствуваат во судот.