Започна имунизацијата против сезонски грип 

Започна вакцинацијата против сезонски грип. Во здравствениот дом во Штип, се врши бесплатна имунизација на граѓаните кои спаѓаат во ризичните групи, лица постари од 65 години, лица со хронични заболувања, бремени жени, деца од 6 месеци до 5 години и сите здравствени работници.

– Заинтересираноста сега за сега голема. Во мој термин преку vakcinacija.mk на дневна основа имаме околу 150 пациенти. Имунизацијата против сезонски грип е енормно важно за пациентите од ризичните групи, бидејќи бенефитот е огромен, ќе ги заштити самата вакцина од компликации доколку имаат некоја друга болест, изјави Јасмина Саздовска, епидемиолог, Центар за јавно здравј –Штип.

Повозрасните граѓани кои секоја година ја примаат вакцината и велат дека чувствуваат подобрување на здравствената состојба.

– Добро е, ние сме возрасни луѓе и мала промена на време или било што и веднаш се осеќа. Кој може и кој сака, слободно пензионерите и болните да си се вакцинираат, изјави пензионерка од Штип.

Граѓаните кои не спаѓаат во ризичните групи, може да се имунизираат со комерцијални вакцини, кои исто така се пристигнати. Нивната цена се уште не е дефинирана, но постапката е многу едноставна.

– Потребно е само да дојдат во ЈЦЗ-Штип, ние како установа обезбедивме 100 комерцијални вакцини и ќе ги услужиме, додаде Сазовска.

На ниво на држава ќе се вакцинира на 35 пункта. Обезбедени се 80 000 вакцини против сезонски грип, а досега се пријавиле 43 000 граѓани.