ЕУ испраќа авиони за гаснење пожари во Кипар 

Во сезоната на шумски пожари, ЕУ веќе испрати помош и во Албанија и Северна Македонија, преку авиони од Грција, Италија и Хрватска, како и хеликоптер од Унгарија. Обезбедена е и опрема од Германија и Франција за интервенции во Сирија.

Европската комисија соопшти дека активирала механизам за цивилна заштита на ЕУ по барање на кипарските власти, поради голем пожар што избувна во областа Лимасол.

Како дел од европскиот противпожарен флот, Кипар ќе добие помош во вид на два авиони за гаснење пожари од Шпанија.

Во сезоната на шумски пожари, ЕУ веќе испрати помош и во Албанија и Северна Македонија, преку авиони од Грција, Италија и Хрватска, како и хеликоптер од Унгарија. Обезбедена е и опрема од Германија и Франција за интервенции во Сирија.

Ова лето, пожарникари од цела Европа се распоредени во критични зони со висок ризик од пожари – Португалија, Шпанија, Грција, Италија и Франција. Вкупно околу 670 пожарникари од 14 земји-членки на ЕУ се вклучени во акциите.