Ева Милевска е првата Македонка што ќе настапи на СП во спуст и супервелеслалом

19-годишната македонска скијачка, Ева Милевска, ќе биде наша преставничка на престојното Светско јуниорско првенство во спуст и супервелеслалом.

Македонија првпат ќе има учесничка на брзите скијачки дициплини како што се спустот и супервелеслаломот.

„Брзите дисциплини се најпредизвикувачките во алпското скијање – со долги и технички тешки патеки, скокови, компресии и брзини над 100 km/h. Со овој настап, Ева не само што се натпреварува со светската елита, туку испишува нова страница во историјата на македонското скијање“, порачуваат од Скијачката федерација на Македонија.