Грипот руши рекорди – за 2 дена во „Козле“ се прегледани 800 деца!
Викендов во Клиниката за белодробни заболувања за деца во Козле, Скопје, се работи биле прегледани околу 800 пациенти, што е исклучително висок број за само 2 дена. Специјалистот педијатар Елена Ѓиновска-Тасевска за Тв 21 изјави дека вчера биле третирани околу 150 деца. Има околу 100 хоспитализирани деца, а 6 се на апарати за кислород.
-Остануваат само неколку слободни кревети. Околу сто деца се хоспитализирани, од кои шест со потешка клиничка состојба се на кислородна поддршка. Останатите се стабилни и во моментот имаме само неколку места кои ги чуваме за поитни случаи на кои може да им биде потребно болничко лекување, рече Ѓиновска-Тасевска.
Министерот Алиу изјави дека досега против сезонски грип се вакцинирани 77 илјади граѓани и дека се останати 3 илјади вакцини кои што може да се примат во Здравствените домови без закажување.
