Венус Вилијамс славеше на 46 години и се запиша во историјата 

Американската тенисерка Венус Вилијамс постигна историска победа во 46. година од животот и стана втората најстара тенисерка во историјата со победа на WTA турнир. Таа доби специјална покана (вајлд карта) за турнирот во Вашингтон и успеа да ја победи својата сонародничка, 35-та на WTA листата, Пејтон Стернс со 2:0 во сетови – 6:3, 6:4.

Оваа победа ја смести Венус веднаш зад легендарната Мартина Навратилова, која во 2004 година, на 47 години, забележа победа на Вимблдон. Венус, која официјално има 45 години, иако полни 46 за неколку недели, покажа неверојатна физичка подготвеност и енергија на теренот.

Не изгледаше како личност со толку години – нејзиното движење, кондицијата и фокусот беа на високо ниво, оставајќи ја Стернс видливо изненадена.

Во првиот сет имаше неколку брејкови. Стернс прва направи брејк, но Вилијамс веднаш возврати и брзо го презеде водството. Во вториот сет, динамиката беше уште понестабилна – Вилијамс водеше, Стернс се врати и поведе со 3:1, но потоа Венус освои четири гема по ред и стигна на чекор до триумф.

При 5:3 имаше четири меч топки на сервисот на противничката, кои не ги искористи, но веќе во следниот гем не дозволи изненадување и успешно го приведе мечот кон крајот.

Во осминафиналето, Венус Вилијамс ќе се сретне со Магдалена Фрех и ќе се обиде да продолжи со историскиот настап.